បច្ចុប្បន្ន​គេ​សង្កេត​​​ឃើញ​ថា ប្រជាប្រិយភាព Smart Device មិន​ថា Smartphone, Tablet ឬ Phablet នោះ​ទេ គឺ​សុទ្ធតែ​មាន​កំណើន​ប្រើប្រាស់​យ៉ាង​ច្រើន។ ទន្ទឹម​នោះ រាល់​ម្ចាស់ device ទំនើបៗ​ទាំង​អស់​ ​​ប្រាកដ​ជា​មាន​តម្រូវការ​ចង់​បាន​ពុម្ព​អក្សរ​ស្អាត​យក​មក​ដំឡើង​ប្រើ​ហើយ ​មែន​ទេ។

ជឿ​ថា​ប្រិយមិត្ត​មួយ​ចំនួន​យ៉ាង​ហោច​ក៏​មានសញ្ញាណ​ដឹង​ខ្លះៗ ​ពី​របៀប​ដំឡើង khmer font នៅ​លើ​ទូរសព្ទ​ដែល​មាន​ប្រព័ន្ធ​ប្រតិបត្តិការ Android ជា​មិន​ខាន​ហើយ។ យ៉ាងណាមិញ ប្រសិន​នៅ​មាន​ភាព​ស្រពិចស្រពិល​អាច​ចុច​ត្រង់​នេះ ដើម្បី​ស្វែងយល់​បាន។ សូម​បញ្ជាក់​ថា font ខ្មែរ​ដែល​ប្រិយមិត្ត​បាន​ទាញ​មក​ដំឡើង​នេះ គឺ​មាន​តែ​មួយ font កំណត់​ជា​លក្ខណៈ default ប៉ុណ្ណោះ។  

ប្រសិន​ចង់​បាន font ជា​អក្សរ​ខ្មែរ​ស្អាតៗ​ផ្សេង​ទៀត គឺ​តម្រូវ​ទាញ​យក​ពី Online Store សិន។
ដឹង​ត្រឹម​ការ​ដំឡើង​ក៏​ពិត​មែន តែ​សម្រាប់​ទំព័រ​នៅ​ចុង​សប្ដាហ៍​នេះ Sabay សូម​បង្ហាញ MyFont ដែល​ជា​កម្មវិធី​មាន​ផ្ទុក​នូវ​ពុម្ព​អក្សរ​ខ្មែរ​ជា​ច្រើន​ស្អាតៗ អាច​ឱ្យ​អ្នក​ទាញ​យក​មក​ដំឡើង​ប្រើ​ដោយ​ឥត​គិត​ថ្លៃ​បាន។ កុំ​ឱ្យ​ខាត​ពេល សូម​អនុវត្ត​តាម​ជំហាន​ខាង​ក្រោម៖

ដំបូង​ត្រូវ​មាន​កម្មវិធី MyFont នេះ​ជា​មុន​សិន តែ​បើ​ពុំ​ទាន់​មាន អាច​ចូល​ទៅ Google Play ដើម្បី​ទាញ​យក​ឬ ចុច​ត្រង់​នេះ ក៏​បាន រួច​ហើយ​ដំឡើង។
- បើក​កម្មវិធី MyFont ឡើង។ មាន ៣ផ្នែកគឺ៖
- Online៖ ជា font ដែល​មាន​នៅ​លើ​អនឡាញ​មាន​ន័យ​ថា បើ​ចង់ Install ត្រូវ Download ជា​មុន​សិន។

- Local៖ ជា Font ដើម​ដែល​មាន​នៅ​ក្នុង Setting ទូរសព្ទ​ជាក់​ស្ដែង​ជា font ដែល​បាន​ដំឡើង​ពី​ខាង​ដើម។

- Custom៖ ជា Font ដែល​យើង​បាន Download មក​ជា​កញ្ចប់ជាក់​ស្ដែង​យើង​មាន​ file មួយ​ឈ្មោះ​ថា All Font Khmer Unicode។ ប្រិយមិត្ត​អាច​ ចុច​​ត្រង់​នេះ ដើម្បី​ទទួល​បាន font ខ្មែរ​ជា​ច្រើន។ រួច​ពី​ទាញ​យក​រួច ប្រិយមិត្ត​ត្រូវ​មាន​កម្មវិធី​សម្រាប់​ពន្លា​ជាក់​ស្ដែង 7Zipper អាច​ ចុច​ត្រង់​នេះ ​ដើម្បី​ទាញ​យក។ (ចំណាំ៖ បន្ទាប់​ពី​ពន្លា folder All Font Khmer Unicode រួច ត្រូវ​ copy font ដែល​មាន​នៅ​ក្នុង folder ចូល​ទៅ​ទីតាំង /sdcard/zitiguanjia ដែល​ជា folder របស់​កម្មវិធី MyFont)
- ដើម្បី​ដំឡើង Font ខ្មែរ សូម​ចូល​ទៅ Custom tab រួច​រំកិល​ចុះ​ក្រោយ​រក​មើល font ដែល​អ្នក​ចង់​បាន​ហើយ touch ទៅ​លើ​នោះ យើង​នឹង​ឃើញ​ផ្ទាំង​ដូច​ខាង​ក្រោម៖

បន្ទាប់​មក ​ចុច​លើ​ប៊ូតុង OK → OK ហើយ restart ទូរសព្ទ​ជា​ការ​ស្រេច។

(ចំណាំ៖ ប្រើ khmer font បាន​ទាំងស្រុង​ លុះ​ត្រា​តែ​ប្រព័ន្ធ​ប្រតិបត្តិការ​របស់​អ្នក​ចាប់​ពី Android 4.1 ឡើង​ទៅ ហើយ​ក៏​ចាំបាច់​ត្រូវតែ​ដំឡើង Khmer Font ជា​មួយ​សិន តែ​បើ​ពុំ​មាន​សូម ​ចុច​ត្រង់​នេះ ដើម្បី​ទាញយក)

ដោយ៖ ឈុន ហួរ