តើ​ប្រិយមិត្ត​ធ្លាប់​ឆ្ងល់​ដែរ​ឬ​ទេ​ថា តើ​រូប​ភាព​ដែល​អ្នក​កំពុង​តែ​មើល​មាន​ប្រភព​មក​ពីគេហទំព័រ​ណាខ្លះ ? នៅ​ទំព័រ​នេះ Sabay សូម​ធ្វើ​ការ​បង្ហាញ​ពី​វិធី​ស្វែង​រក​ប្រភព​នៃ​រូប​ភាព​ តាម​រយៈ​ Google​ search by Image ដល់​ប្រិយមិត្ត​ទាំង​អស់​គ្នា។ ដើម្បី​ស្វែង​រក​ប្រភព​នៃ​រូប​ភាព​ តើ​យើង​ត្រូវ​ធ្វើ​ដូច​​ម្ដេច​ខ្លះ ?
ឧទាហរណ៍​ថា យើង​មាន​រូប​ដូច​ខាង​លើ ហើយ​ចង់​ដឹង​ពី​ប្រភព​ដើម​នៃ​រូបភាព​នេះ
ដូច្នេះ ដំបូង​បង្អស់​ចូល​ទៅ​កាន់​គេហទំព័រ www.google.com ហើយ​ចុច​លើ​ពាក្យ Image ។
បន្ទាប់​មក​ចុច​ទៅ​លើ Icon ដែល​មាន​រូប​ដូច​ម៉ាស៊ីន​ថត ហើយ​ជ្រើស​រើស​យក​ពាក្យ​ Upload image។
ជ្រើស​រូបភាព​ដែល​យើង​ចង់​ដឹង​ប្រភព​នៃ​រូប​ភាព​នោះ ដោយ​ចុច​ទៅ​លើ​ប៊ូតុង Choose File បន្ទាប់​មក​ជ្រើសរើស​យក​ឈ្មោះ​រូប​ភាព​នោះ។
ទី​បញ្ចប់ Google នឹង​បង្ហាញ​ពី​ប្រភព​ដើម​នៃ​រូប​ភាព​ដែល​អ្នក​បាន​ជ្រើសរើស។
រូបភាព​ខាង​លើ​នេះ ជា​លទ្ធផល នៃ​ប្រភព​រូបភាព
វិធី​មួយ​ទៀត​ជា​ការ​ងាយ​បំផុត​ ប្រិយមិត្ត​ទាំង​អស់​គ្រាន់​តែ​ចាប់ទាញ​រូប​ភាព​ដែល​យើង​ចង់​ដឹង​ប្រភព​នោះ ចូល​ទៅ​ក្នុង​ប្រអប់​ Search ជា​ការ​ស្រេច។
លទ្ធផល​គឺ​បាន​ដូច​ខាង​ក្រោម​នេះ៖
ការ​ចែក​ចាយ​រូប​ភាព​ផ្សេងៗ​ តាមរយៈ​​បណ្ដាញ​ទំនាក់​ទំនង​សង្គម​ជា​បច្ចេកវិទ្យា​មួយ​ថ្មី​ដែល​កំពុង​តែ​ ពេញ​និយម​ ។ ប៉ុន្តែ​ទន្ទឹម​នឹង​ភាព​ពេញ​និយម​នេះ មាន​អ្នក​ប្រើប្រាស់​បណ្ដាញ​ទំនាក់​ទំនង​សង្គម​មួយ​ចំនួន​ យក​រូប​ភាព​ពី​គេហទំព័រ​ផ្សេងៗ​ មក​ធ្វើ​ជា​ Profile Picutre របស់​ខ្លួន​ឬ​ក៏​យក​រូប​ភាព​ប្លែក​ៗ​ទៀត ដើម្បី​ប្រឌិត​ឲ្យ​ចេញ​ជា​រឿង​ផ្សេងៗ​ធ្វើ​ឲ្យ​គេ​ភ្ញាក់​ផ្អើល។ ដើម្បី​ដឹង​ច្បាស់ ប្រិយមិត្ត​អាច​សាកល្បងយករូបភាព​អ្នកណាម្នាក់ ដែល​អ្នក​គិត​ថាជា Fake Profile ទៅ​អនុវត្តន៍​សូម​ធ្វើ​តាម​វិធី​ខាង​លើ​នេះ អ្នក​នឹង​ដឹង​ពិត​ប្រាកដ​ថា រូបភាព​នោះ យក​ពី​គេហទំព័រណា​ខ្លះ៕
 
ដោយ៖ តុង